Ku dhowaad 500 oo qoys oo ku jira xeryaha dadka barakacay ee duleedka degmada Ceel-waaq ee gobolka Gedo, ayaa loo qaybiyey deeq isgu jirtay raashin iyo agab kale,kuwaas oo kasoo cararay abaaraha iyo colaadaha ka jira gobollada Gedo,Bay iyo Jubada dhexe.
Hay’adda Solidarity,oo fadhigeedu yahay gobolka gedo,ayaa na soo gaarsiisey gar-gaar isgu jira Raashin,Maacuun,Bacaha guryaha la saarto,Mara-kaneecooyin iyo Bustayaal,waxaana loo qaybiyey 500 oo qoys oo ku jira xerayaha kala ah Bantu 1,Bantu 2,iyo Qoryooley oo loo arkay inay yihiin kuwa aadka u liita,sidasi waxaa Ergo u sheegay,Muqtaar Maxamed Cabdi oo ka tirsan gudi ay leeyihiin dadka barakacayaasha ah.
Qoysaskan ayaa duuleedka degmada Ceel-waaq degganaa muddo 3 sano ah waxayna ku noolyihiin guryo ka sameysan cooshado iyo baakado,kaalmadan oo todobaadkan la gaarsiiyey barakacayaasha ayaa wax badan ka tari doonta xaaladda dadkaasi gaar ahaanna dhanka hoyiga.
Xeryaha dadka barakacay ee ku yaalla degmada Ceel-waaq oo gaaraya ilaa 6 waxaa ku jira dad lagu qiyaasey 3 kun oo qoys,oo qaarkood sedex sano ka hor ay soo salkiciyeen abaaro iyo colaado,mana haystaan biyo nadiifa iyo adeeg caafimaad midna.
Axmed Saalixi/FO
