26 May, 2014 SOOMAALIYATartan qoraal-curin, gabay iyo farshaxan: ‘Soomaaliyadeyda’
Hay’adda Qaxootiga u qaabilsan Qaramada Midoobay ee UNHCR waxay weriyeyaasha, qoraayaasha iyo farshaxamiisteyaasha Soomaaliyeed ku wargelineysaa inay billowday tartan loogu dabaaldegayo Maalinta Caalamiga ah ee Qaxootiga. Tartanka oo saddex qeybood ka kooban waxaa looga qeybgeli karaa qoraal-curin, gabay iyo farshaxan cinwaan looga dhigay ‘Soomaaliyadeyda’.
Tartanku wuxuu u furan yahay weriyeyaasha, qoraayaasha iyo farshaxamiisteyaasha ku nool xeryaha lagu barakacay ee gudaha iyo kuwa qaxootiga ee dalalka deriska ah. Qoraalka curiska ah waa in uu ka koobnaadaa 800 oo eray. Farshaxanku wuxuu ka koobnaan karaa sawir-gacmeed, mid kaamiro lagu qaaday ama nooc walba oo kale oo farshaxan la xiriira. Wax kasta oo aad tartanka uga qeyb-galeyso waa in ay ku dhignaadaan Ingiriis.
Haddaba, haddii aad daneyneyso in aad tartanka ka qeyb-gasho, fadlan soo dir qoraal curis ah, gabay ama farshaxan aad abuurtay ka hor 10-ka bisha Juun ee sanadka 2014, adigoo kusoo hagaajinaya Email: infosomalia@unhcr.org. Fadlan soo raaci qoraalka 5-sadar oo aad ku xuseyso magacaaga iyo da’daada. Dadka guuleysta waxaa la shaacin doonaa oo la abaal-marin doonaa Maalinta Caalamiga ah ee Qaxootiga oo ku beegan Jimco, 20 Juun, 2014-ka.
