Roobab mahiigaan ah oo ka da’ayey degamda Baardheere 24kii saac ee la soo dhaafay ayaa togagii biyo ay soo rogeen carqiyey xaada bari ee magaladda, waxaa xiran wadadii sahayda ee dhinaca Baydhabo, dadkuna ma haystaa cunto siduu Ergo u sheegay Maxamed Sheikh Cali Nuur oo ka mid ah dadka deegaanka ee daadku guryahooda ka saaray.
Waxaa ku dhintay ilaa hadda 2 qof, halka 8 kale oo uu ka mid yahay weriyihii Ergo ee Baardheere uu ku dhaawacmay, ilaa hadda lama tira koobin khasaaraha maaliyadeed ee dhacay, waxayse odayaasha deegaanku sheegayaan in 18 guri oo kuwa dhagaxa ahi dumeen, ayna jiraan boqolaal guryo carshaan iyo cooshadaha dadka barakacay oo iyana dumay.
Hay’adda saadaasha ee SWALIM oo ah mashruuc ka tirsan hay’adda cuntadda iyo beeraha qaramadda midoobey ee FAO ayaa sheegtay in cabirka roobkii helay 24 saac ee ina dhaafay Baardheere ahaa 134mm.
MH/AS
