16 May, 2014 GALGADUUDCiidamada amaanka maamul Ximan iyo Xeeb ayaa maalintii Khamiista oo bisha May ahayd 15, waxay ku qabte duleedka koofureed ee magaalada Cadaado 18 carruur ah oo da’doodu u dhaxayso 15 ilaa 4-sano jir, kuwaas oo ay wadeen sadex haween ah iyo hal nin.
Laamaha ammaanka maamulka ayaa sheegaya in carruurtan laga keenay gobolka Shabeelada Hoose iyo Banaadir, ayna ku siijeedeen gobolka Bari, iyagoona uga shakiyey in loo waday tahriib.
Iisha Maxamed Ibraahim oo ka mid ahayd ah Haweenka Carruurtan waday, ayaa sheegaysa inay u raadsanayeen nolol dhinaca magalada Boosaaso, hase yeeshee Jiija Xasan gabadh magaceeda ku sheegtay oo 15 jir ah kana mid ah carruurtaan ayaa sheegtay inay tahriib u socdeen.
Maxamed Daahir wasiirka amniga Ximan iyo Xeeb oo arrinta carruurtan Ergo uga waramay ayaa sheegaya in tahriibka ka sokow ay jiraan eedaymo kale oo ah in carruurtan loo adeegsanayo faldambiyeedyo ay ka mid yihiin in daroogo loo dhiibo ama laga ganacsado.
Xarunta ururka haweenka dagmada Cadaado ayaa imminka lagu xanaanaynayaa Carruurtan,halkaasi oo xaaladooda lagula socdo.
Maamulka Ximan iyo Xeeb ayaa hadda codsanaya in waalidiinta ay carruurtan ka maqanyihiin ay la soo xiriiraan.
Diirshe/MH
