Beeraleyda xalin ayaa waxaa soo gaaray dhibaato uga timid cudur ku dhacay dalaggii ay beertee. Tulada Xalin waxay qorrax ka soo baxa uga beegan tahay gobolka Sool, waxayna u jirtaa ilaa saddex kiiloomitir, waana meesha ugu beeraha badan gobolkaas.
Tuuladan waxay dhaqaale ahaan ku tiirsan tahay dalagga ka soo baxa beeraha, waxayna dhibaato kala kulmeen cudurkaas ku dhacay beerahooda sida ay u sheegeen raadiyo Ergo.
Xuseen cabdi Maxamuuda ayaa isagoo raadiyo Ergo u warramaya yiri” meeshani waxay caan ku tahay beeraha dhanka gobolka sool iyagoo leh 240 beerood” kuwasoo lagu beero dalagyo kala geddisan sida Galleyda iyo arabakhida. Xuseen wuxuu codsaday in laga kaalmeeyo daawadii ay kula tacaali lahaayeen tixriga ka kagalay beerahooda.
Maryama Xasan Muuse ayaa tiri “aniga waxaan leeyahay beer, hadaan kaawaramo iminka waxa aan beeray labo hektaar xagaagan maanta ah, beeraha kalana waxaa awoodda ugu badan dhaqaalihii naga qaatay tirxi naga galay beeraha markaa tirxigan naga galay beeraha mahayno daawo disha.
“Cudurka ugu badan ee beeraha naga haystaa waa tirxigaa, anaga waxa jaaliyado ah nama caawiyaan waxaa nacawisay haayada DRC oo noo keenty matoorro majrafado, tuubooyin kaaryoolo aad baan ugu mahad celinay haayadaa” ayay tiri Maryan
Maryan ayaa tiri mar kale “dhaqaalo ma hayo aan mar dambe waxa ku beerto niayad uma hayo waayo meeshaan xagaagii dhawaa aan ku khasaaray oo aan hiktar ku khasaaray oo labo hiktar ku khasaaroobay oo aan nus hiktar ku khasaaroobay miyaan niyad u hayaa waayo sanadkan roob fiican baa na helay oo ciidda aad ayuu una faqeeyay, markaa dhaqaalihii oo dhan hoos ayuu u dhacay”.
Waris Faarax Maxamed ayaa Ergo ku tiri” aniga beer baan leeyahay khasaaro aad u balaadhan ayay igelisay 50 milyan gaaraysa, dhibaatadaa waxaa u badan tirxi ku dhalanaya beeraha wax naga caawiyana waan waynay goortaan beerno oo shaqaale aan galinno ayaa dhibaatadani na saamaysaa.
Dhibaatadan oo ay ka sheeganayaan beeraleyda Xalin ayaa ah mid ay dhowr xilli ah ooh ore ku dhacday iyagoona tilmaamay iney arrintan soo noqnoqoto markii ay dalagga beeraanba, garnna la`yihiin halka ay dhibaatadu ka socoto, waxayna ka dalbanayaan khubarada beeraha in arrintaas wax lagala qabto haddii kale ay keeni doonto niyad –jab beeraleyda ku yimaadda oo cid wax beertaa oo kale la waayo.
Cabdikarim Olol/MRS
