Qiimo Koror xooggan ayaa laga dareemayaa suuqyada lagu kala iibsado xoolaha nool ee magaalada Kismaayo, waxaana arrintaan ay dadku u aaneynayaan xoolihii laga keeni jirey deegaanada miyiga ah ee nawaaxiga magaalada Kismaayo oo yaraaday kadib markii dadka xoola dhaqatada ah ay heleen roobab ku filan oo ay sababay in dadka reer guraaga ah ay u doogsadaan deegaanada ay roobabku ku badanyihiin.
Sida ay Radio ERGO u sheegay Saciid Maxamed Ibraahim oo ah guddoomiyaha suuqa xoolaha ee magaalada Kismaayo “hadda roob ayaa da’ay suuqyada si wacan looma keenin, waa iska cidla hadda, deeganadu waa rooban yihiin, noloshuna waa soo hagaagaysaa, waxaana hadda is taagay lo’adii suuqa la keeni jiray,
Geela muunada 1aad = $1300
Adhiga muunada 1aad = $65
Dhinaca sayladda Burco ayaa iyana aysan jirin hadda dhaqdhaqaaq ganacsi oo dhinaca xoolaha ah intii ka dambaysay iidii Adxadda, shirkadda Deero groupkeliya ayaana saaka wax ka iibisanaya sayladda, Axmed Jamaac Dhunkaal oo ka tirsan suuqlayda xoolaha ayaa sheegay in Deero group ay wanan waaweyn gadanayaan oo ay u dhoofinayaan dhinaca Baxrayn, aysanse jirin xoolo aadaya Sucuudiga.
Adhigaa muunada 1aad ayaana manta ay siinayeen $80
Dhunkaal ayaa sheegay in isgaarsiintu ay xoolo dhaqatada caawisay ayna iska xaqiijiyaan hadba sayladu siday tahay, oo markaan dhaqdhaqaaq jirin aysan imaanay wax xoolo ahi, taasaana keentay in xoolihii saylada Burco imanayey yaraadaan.
Bisha Diseembar ayaana la filaa inay shirkadaha xooluhu bilaabaan dhoofintii xoolaha aadayey Sucuudi Caraybiya.
Sidiq/Kadar/MH
