Shirkii sanadlaha ahaa ee ECOSOC ee lagu qabtay magaalada Geneva ayaa 15-17 Luulyo 2013 diradda lagu saaray in lagaga hadlo arrimaha baini`aadannimada.
Madasha shirkan oo ay ka soo qaybgaleen waddamo badan oo adduunka ah ayaa waxaa isaguna ka mid ahaa dadkii halkaas lagu casumay Maxamed Xasan Cosmaan oo ah Madaxa idaacadda Star FM oo fadhigeedu yahay magaalada Nairobi.
Haddaba idaacaddan Ergo oo iyadu ka shaqeysa arrimaha baniaadannimada isla markaasna la ah hawlwadaag idaacadda Star Fm ayaa ka wareysatay Maxamed Xasan oo ku sugan magaalada Jineva wuxuu shirkaasi ahaa:
Maxamed Xasan: “Shirkan wuxuu ku saabsanaa arrimo baniaadannimada sidii wax looga qaban lahaa dhibaatooyinka mar kasta ka dhaca ee soo noqnoqda, isla markaasna looga tabaabuisheysan lahaa, intaasoo keliyana ma ahayne waxaa looga hadlay arrimo badan oo kala geddisan sida iskaashiga ka dhaxeyn kara sharikadaha waaweyn ee gaarka ay iyo Qaramada Midoobay markii ay taagan tahay arrimaha baniaadannimada in isku si looga wada shaqeeyo.”
Maxamed Xasan oo ka jawaabayay arrimaha qaxootiyada ee la soo hadalqaaday wuxuu yiri” Waxaa iyana halkaas lagu soo qaaday oo lagaga hadlay arrimaha qaxootiyada gaar ahaanna kuwa ku sugan dalka Kenya, waxaana aan meeshaas ka caddeynay innagoo xogogaal u ah xeryahaas ay ku jiraan qaxootiga kana shaqeyna ineyan suurto gal ahayn in iminka dib loogu celiyo qaxootiga Soomaaliya dalkoodii iyadoo aan u aragnay ineyan hadda munaasab ahayn markii la eego dhibaatadii ay ka soo caraareen oo aan weli xal waafiya helin.”
Dawladda Kenya ayaa iyaduna ka hadashay dhibaatooyinka amni darro ee halkaas ka jirta, iyadoona la soo hadal qaaday dhibaatada ay ku qabaan haydaha k shaqeeya xeryahaas oo kalliftay in mar walba la raacsho ciidan ilaala ah, waxayna sheegeem wafdoga Kenya iney dhibaato ku qabaan sii joogitaanka qaxootiga ku sugan dalkeeda.
Raadiyo Ergo: Mar haddii lagu casumay warbaahinta qaar maxaa si gaar ah uga khuseeyay shirkan?
Maxamed Xasan: Warbaahinta waxaa lagula taliyay iney ka qaybqaataan arrimaha baninaadannimada, taasoo keeneysa in dhibaatooyinka ay yareyso, waxaana si gaar ah farta loogu fiiqay iney ka hadlaan arrimaha nabadda lagu gaari karo colaaddana yareyn karo, waxaana laysla gartay in warbaahintu ay ka mid noqon karto waxyaabaha caawini kara yareynta dhibaatooyinka, isla markaasna looga baahan yahay iney u gudbiyaan dadweynaha macluumaadka muhiimka ah ee la rabo in la ogeysiiyo, lagana hadlo dhibaatooyinka ay dadku qabaan si tallaabada ugu habboon dunida uga qaaddo”.
ECOSOC (Economic and Social Council) waxaa la asaasay sanadkii 1946dii, waxayna sanad walba qabataa shir weyn ay isugu yimaaddaan dalal badan ee adduunka ah, waxaana madasha sanadkan waxyaabihii lagaga hadlayay ka mid ahaa oo diiradda la saaray arrimo badan oo ku saabsan hawlaha arrimaha baniaadannimada ee adduunka ka jira iyo xoojnta iskaashiga ka dhexeeya shariikadaha gaarka ah iyo Qaramaada Midoobay sidii looga wada shaqeyn lahaa arrimaha baniaadannimada.
MR/AM
