Intii lagu guda jiray toddobaadkii hore ee (1da ilaa 7da Mey, 2013), Koofurta iyo bartamaha Soomaaliya ayaa helay roobab culus. Waqooyiga dalka ayaa iyagana helay rooab dhexdhexaad ah. Balse ka yara yar kuwii toddobaadyadii hore.
Heerarka biyaha webiyada Jubba iyo Shabeelle ayaa kordhay maalmihii lasoo dhaafay, sidaa daraaddeed khatar fatahaad ayaa ka jirta qararka jilicsan ee webiga Shabeelle, halka khatar yar oo fatahaad uu geysan karo webiga Jubba.
Inta lagu gudan jiro 7da maalmood ee (8da –14ka Mey, 2013) koofurta iyo bartamaha dalka ayaa la filayaa in rooba yar ay helaan. Roobab iska dhexdhexaad ah ayaa la filayaa inay ka da`aan gobollada waqooyi ee dalka.
Intii lagu guda jiray bishii hore ee Abriil qeybo ka mid ah dalka gaar ahaan koofurta ayaa waxaa saameeyay daadad daba socdya roobab xooggan oo ka da`ay gudaha Soomaaliya iyo buuralleyda sare ee Itoobiya.
Biyo qabatinnada webiyada Jubba iyo Shabelle ayaa helay roobab lixaad leh. Daadadkan ayaa horseeday burbur hanti iyo dhismooyin iyo barakaca dad. Hay`adaha gargaarka ayaa siyaabo kala duwan u taageerayay bulshada ay waxyeelladu gaartay, iyadoo ay ka mid ahayd xiridda biyaha ay daadadku soo rogeen, qeybinta waxyaabah aan cuntada ahayn, sifeynta biyaha iyo dib u dhisidda qararka webiga si dadku ay dib ugu laabtaan guryahooda.
Warbixintan waxaa idiin soo diyaariyay mashruuca maamulka biyaha iyo dhulka Soomaaliya SWALIM oo ka tirsan hay`adda cunnada iyo beeraha QM u qaabilsan ee FAO.
