Qiyaasta satellite-ka ee roobabkii da`ay toddobadii maalmood ee lasoo dhaafay ayaa muujinaya in roobab dhexdhexaad ah ay heleen biyo mareennada webiyada Jubba iyo Shabeelle ee gudaha Soomaaliya iyo dhulalka sare ee Itoobiya.
Saadaasha roobabka ee toddobaadka soo socda ayaa tilmaameysa in roobab dhexdhexaad ah ay ku di`i doonaan biyo mareennada webiyada Jubba iyo Shabeelle ee gudaha Soomaaliya iyo Itoobiya. Sidaa daraaddeed khatar fatahaad ayaa kasii jireysa qararka jilicsan ee webiga Shabeelle.
Biyaha webiga ee qararka jilicsan ee webiga Jubba oo sarreeya ayaa khatar fatahaad oo dhexdhexaad ah ka geysan karta deegaannada uu maro.
Heerarka biyaha webiyada
Beledweyne
Heerka biyaha webiga ee magaalada Beledweyne ayaa ah 5.70m oo 1.60m ka hooseysa heerka khatarta fatahaadda.
Buulo Burte
Heerka biyaha webiga ee degmada Bulo Burti ayaa hoos u dhacay toddobaadkii lasoo dhaafay. Heerka biyaha webiga ee maantana waa 4.40m oo 2.80m ka hooseysa khatarta fatahaadda.
Luuq
Heerka biyaha webiga ee degmada Luuq ayaa toddobaadkii lasoo dhaafay hoos u dhacay. Heerka biyaha webiga ee maanta waa 3.68m taasoo 2.32m ka hooseysa heerka khatarta fatahaadda.
Bardheere
Heerka biyaha webiga ee degmada Baardheere ayaa hoos u dhacay sidoo kale toddobaadkii lasoo dhaafay. Heerka biyaha webiga ee haatan waa 6.20m taasoo 2.98m ka hooseysa heerka khatarta fatahaadda.
Saadaashan waxaa idiin soo gudbisay mashruuca maamulka biyaha iyo dhulalka Soomaaliya ee SWALIM oo ka tirsan hay`adda QM u qaabilsa cunnada iyo beeraha ee FAO.
