Magaaladda Garoowe ayaa lagu siiyey tababar xoolo dhaqato ka yimid dhulka miyiga ah, siiba inay ogaadaan calaamadaha cuduradaasi leeyihiin siiba cudurka Rift Valley siduu Ergo u sheegay agaasimaha guud ee xanaanadda xoolaha Puntland Cabdulaahi Xareed Cali “cudurka rift valley in la suuliyo saddex sano ayey qaadatay, waana in xoolo dhaqatadu iska ilaalisaa”,
Dr. Maxamed Jabra oo ka tirsan mashruuca HASBA oo ka shaqeeya dhinaca xoolaha oo tababarka bixinayey ayaa isna Ergo u sheegay inay tahay muhiim wacyi gelin laga siiyo xoolo dhaqatadda inay ogaadaan calamadihiisa, waayo hadduu xoolaha ku dhaco inay tahay khatar, siiba uu kaco xiliyada barwaaqada badani timaaddo sida xilligaan gu’ga ee hadda lagu jiro,
Dhinac qiimaha xoolaha.
Sayladda Burco ayaa qiimaha adhigu hoos u dhacay, iyadoo ganacsatadu sheegtay in qiimaha adhiga la dhoofiyaa hoos uga dhacay sayladaha Sucuudiga, iyadoo adhigu ahaa todobaadkii hore 86 dollar haddana uu hoos ugu soo dhacay 78 dollar, xoolo bandanna ay imanayaan sayladda Burco siduu sheegay Siciid Aadan Ducaale oo ah wakiilka shirkadda xoolaha dhoofisa ee Deero Group.
Dhinaca adhiga xoolaha gudaha loo isticmaalo ayan waxba iska bedelin qiimihii todobaadkii hore ahaa.
Sayladaha iibka xooluhu kor u kacay ayaa waxaa ka mid ah goboladda Bay, Gedo iyo Jubadda Dhexe
Aden Cabdi Axmed waxaa uu ka mid yahay dulaaleyda ka howlgasha suuqa xoolaha Baardheere waxaana uu iiga warbixyey qiimaha lagu kala gadanayo noocyada xoolaha,isagoona sheegay qiimaha lagu kala gato geella in uu ku yimid sarakac, neefka geella ee Birimada ah in uu maanta marayey lacag dhan 25milyan oo shilinka Soomaaliga ah,nooca xiga waa 18milyan, qaalmahana ugubka ah waa 16milyan oo shilinka Soomaaliga ah, halka qurbacdana uu sheegayo in qiimahooda uu hoos u dhacay, sarre u kaca ayeyna sheegeen inuu keenay shirkado iibsanaya xoolaha oo dhoof u wada.
Rashiid Xooshow waxaa uu ka mid yahay ganacsatada iibka xoolaha ee deegaanka Ufurow oo ka tirsan gobolka Bay waxaana uu iiga warbxiyey sida maanta uu yahay dhaqdhaqaaqa ganacsiga suuqa xoolaha ee degmada Ufurow iyo halka ay wax marayaan.isagoo sheegayna geella neefka ugu sareeyo maanta la kala siisanayey laca dhan 25 milyan ilaa 24 milyan, qiimahaasi ayuu sheegay in uu yahay kii ugu sareeyey.
Sidoo kale Deegaannada kale ee aan la xariirney si aan wax uga ogaanno qiimaha lagu kala gato xoolaha nool ayaa waxaa ka mid ah degmada Degmada Salagle ooka tirsan gobolka J/dhexe, halkaasi oo uu ku yaallo suuq ballaaran oo lagu kala gato noocyada xoolaha nool, sida uu sharaxayo ganacsade Weli Aden oo ka mid ah ganacsatada xoolaha ee degmada Salagle. isagoona sheegay in degmada in ay soo gaareen shirkado ganacsi.
Sidik/Haji/Salihi/MH
