Xilligaan oo roobkii gu’gu bilowday ayaa gebi ahaanba sayladaha xoolaha ee waddanka laga wada dareemayaa xoolo yaraan, gaadiidkii xoolaha qaadi jiray oo roobabku xannibeen iyo dhaqanka dadka xoolo raacatadda ah oo xilliyada barwaqadu bilaabmato aan sidaas u danayn inay iibiyaan xoolahooda, waxayna xoolahooda ula guuraan meelo ay ka heli karaan naq fiican. Xooladhaqatadu waxay sheegeen in sannadkani aad u wacan yahay markii la eego roobabka u da`ay, qiimo fiicanna ay ku helayaan xoolohooda.
BURCO
Ismaaciil Jaamac Axmed oo ka tirsan dullaalayda xoolaha ku iibisa sayladdaas, ayaa yiri “Saaka xoolo ma jiraan, salaydu waa cidla, gaadiidkii waxaa xiray roobabkii da’ay, ma jiro adhiga la dhoofin jirey, keliya waxaa jooga xoogaa aan badnayn oo daabax ah”
Adhiga
Muunadda 1aad = $95
Muunadda 2aad = $85
Muunadda 3aad = $80
Galgaduud
Dhinaca gobollada dhexe, seyladda degmadda Guraceel ee gobolka Galgaduud, Cumar Salaad oo ka mid ah dullaaleyda ayaa u sheegay Ergo in qiimaha xooluhu ay aad kor ugu kaceen.
Adhiga
Muunadda 1aad = $85
Muunadda 2aad = $80
Gedo, Bay iyo
Goboladda koonfureed oo roobkii gu’gu ka curtay meelo badan gaar ahaan Gedo, Bay iyo Bakool ay yihiin kuwo rajo badan ku abuuray xoolaleyda iyo weliba hakad ku yimid xoolahii faraha badnaa ee laga keeni jirey miyiga oo aad u yaraadey, arrimahaasi oo isbiirsadey ayaa waxay sheegeen in ay qeyb ka tahay sarakaca xilligani laga dareemayo suuqyada.
Baardheere, Luuq, Diinsoor iyo Waajidi
Mar Ergo la xiriirtay suuqyada xoolaha degmooyinka Baardheere, Luuq, Diinsoor iyo Waajidi oo ka kala tirsan gobollada Gedo,Bay iyo Bakool ayaa ganacsatada iyo dullaaleyda suuqyada waxay sheegeen dhowrkii maalmood ee ugu dambeeyey isbedel dhinaca iibka xoolaha , gaar ahaan qiimaha la kala siisto Gella, Lo`da iyo Ariga, iyagoona sheegayna in uu wanaagsan yahay caafimaafka xoolaha iyo sida ay ku soo barabaxeen xillgii jilaalka.
Baardheere
Aden Cabdi Axmed waxaa uu ka mid yahay dulaaleyda ka howlgasha suuqa xoolaha Baardheere wuuna Ergo uga warbixyey qiimaha lagu kala gadanayo noocyada xoolaha ,i
Qiimaha lagu kala gato Geella in uu ku yimid sarakac.
Muunadda 1aad = 24milyan shillin Somali una dhiganta
Halka Qurbacda 3 jirka ah oo horey qiimahoodu uu ahaa 8 milyan ayaa hadda waxaa la kala siisanayaa lacag u dhaxeysa 10 -9 milyan oo sh.So.
Degmadda Luuq
Geela
Muunadda 1aad = 22 milyan
Muunadda 2aad = 20 milyan
Adhiga
Muunadda 1aad = $80
Muunadda 2aad = $75
Deegaannada kale ee aan la xariirney si aan wax uga ogaanno qiimaha lagu kala gato xoolaha nool ayaa waxaa ka mid ah degmada Diinsoor ee Gobolka Bay, halkaasi oo uu ku yaallo suuq ballaaran oo lagu kala gato noocyada xoolaha nool, sida uu sharaxayo Ganacsade C/qaadir Aftooje oo ka mid ah ganacsatada xoolaha ee degmada Diinsoor.isagoona sheegay in degmada in ay soo gaareen Shirkado Ganacsi.
Sidoo kale Degmada Waajid ee Gobolka Bakool oo uu ku yaalo suuq lagu kala gato xoolaha nool ayaa waxaa laga soo sheegayaa in weli uu taagan yahay hoos u dhacii ku yimid Xoolaha, islamarkaana sicirka Iibka xoolaha uusan waxba iska bedelin sida uu sharaxayo Xasan Bare oo ka mid ah Dulaaleyda Suuqa Xoolaha ee degmada Waajid.
AO/MH/AM/SY
