Maalmahii ugu dambeeyey waxaanan wax badan iska beddelin qiimaha lagu kala gato xoolaha nool ee suuqyada ganacsiga ee ku kala yaalla guud ahaan gobollada koonfurta, iyadoo ay saamayn ku yeelatay qiimihii sarrifka dollarka oo hoos u dhacay marka loo eego shilinka Soomaaliga.
Mar aan la xiriirnay suuqyada xoolaha degmooyinka Baardheere, Ceelwaaq, Salagle iyo Bardaale oo ka kala tirsan gobollada Gedo, Bay iyo Jubbada Dhexe, iyadoo dadka dullaaleyda iyo ganacsatada xoolahuna ay tilmaameen in hoos u dhac ballaaran oo qiimaha lagu kala gato xoolahu ay dareemayaan.
Aden Cabdi Axmed waxaa uu ka mid yahay dullaaleyda ka howlgasha suuqa xoolaha Baardheere waxaana uu nooga warbixyey qiimaha lagu kala gadanayo noocyada xoolaha, geela waxaa la iibinaya:
Adhiga: orgida waaweyn 2 milyan oo shillin Soomaali ah
Qalliinka 1,400 kun oo shillin Soomaali ah
Sidoo kale Xuseen Macalin Axmed waxaa uu ka mid yahay dulaalleyda suuqa xoolaha degmada Ceelwaaq waxaana uu iiga warbxiyey sida maanta uu yahay dhaqdhaqaaqa ganacsiga suuqa xoolaha ee degmada Ceelwaaq iyo halka ay wax marayaan.
Geela qaalinta ugubka ahi 55,000 oo Kenya Shilling ah
Qaalmaha ku xigaana waa 35,000 oo Kenya Shilling ah
Adhiga neefka ugu sarreeya waa 8000 Kenya shilling ah
Adhiga qalliinka waa 4000-5000 kun oo Kenya Shilling ah
Deegaannada kale ee aan la xariirney si aan wax uga ogaanno qiimaha lagu kala gato xoolaha nool ayaa waxaa ka mid ah deegaanka Salagle oo ka tirsan gobolka Jubbada dhexe, halkaasi oo uu ku yaallo suuq ballaaran oo lagu kala gato noocyada xoolaha nool, sida uu sharraxayo Weli Aden oo ka mid ah ganacsatada xoolaha ee deegaanka Salagle.
Geela ayaa ugu sarreeya suuqa awrta waaweyn 20 milyan oo Shillin Soomaali ah
Qurbacda 3 jir ilaa 5 jirka ah waa inta u dhaxaysa 5 ilaa 7 milyan oo shilling Somali ah
Adhiga qiimaha ugu korreeyaa waa 1 malyan iyo 800 kun oo shillin Somali ah ah
Sidoo kale degmada Bardaale ee gobolka Bay ayaa waxay ka mid tahay deegaannada sida weyn xoolaha loogu iibgeeyo, waxaana ka furan suuq balaaran oo isku xira ganacsiga xoolaha nool qaar ka mid ah Gobollada Bay, Gedo iyo Bakool sida uu ku warramayo Isaaq Ibraahin oo ka mid ah ganacsatada xoolaha ee degmada Bardaale.
Geela awrta waaweyne muunadda koowaad waa 20 ilaa 25 milyan, muunada labaad waa 18 milyan ilaa 16 milyan oo shilin
Adhiga: Muunadda wuxuu u dhexeeyaa malyan iyo laba boqol ilaa 1 malyan iyo 800 kun oo shilin.
Saalixi/AM/MH
