Hay`adda miino-saarista QM (UNMAS) ayaa howlaheeda ku ballaarineysa dalalka Soomaaliya, Afganistan, Jamhuuriyadda Dimuqraadiga ee Kongo, Liibiya iyo Koofurta Suudaan oo ah dalal ay dagaallo ragaadiyeen, kadib markii ay malaayiin doollar ka heshay dowladda Jabbaan.
“Lacagtan oo dhan $18 milyan waxay badbaadin doontaa nolosha dad badan, waxay sare u qaadi doontaa xasilloonida waxayna rajo wanaagsan u keeni doontaa bulshooyin sanado badan cabsi ku noolaa .” Sidaa waxaa yiri madaxa howlgallada UNMAS, Paul Heslop.
Gudaha Soomaaliya, miino ku aasiddii ugu horresay waxay dhacday intii u dhaxeysay sanadihii 1964tii ilaa 1977dii oo dagaallo ay dhex mareen dalalka Soomaaliya iyo Itoobiya. Sidoo kale dagaalladii qabyaaladda ku saleysnaa ee qarxay kadib markii ay meesha ka baxday dowladdii Maxamed Siyaad Barre 1991dii ayaa la isku adeegsaday miinooyinka dhulka lagu aaso, UNMAS ayaa ku maalgelin doonta Soomaaliya tabarro iyo howlaha miino-saarista.
Waxaa soo xiga dalka Afganistan oo ah dalka dunida ugu miinooyinka badan, waxaana qiyaatsii bil walba qaraxyada miinooyinka ugu dhinta dalkaas 42 qof.
