Maalmahii ugu dambeeyey waxaanan wax badan iska beddelin qiimaha lagu kala gato xoolaha nool ee suuqyada ganacsiga ee ku kala yaala guud ahaan waddanka, iyadoo ay saamayn ku yeelatay qiiihii sarrifka dollarka oo hoos u dhacay marka loo eego shilinka Soomaaliga, maraan la xiriirnay degmooyinka Baardheere, Luuq, Diinsoor iyo Salagle oo ka kala tirsan gobollada Gedo, Bay iyo J/Dhexe iyadoo dadka dulaaleyda iyo ganacsatada xoolahuna ay tilmaameen in hoos u dhac ballaaran oo qiimaha lagu kala gato xoolahu ay dareemayaan, taasi oo ay sheegeen in ay ugu weyn tahay qiimaha sarrifka Doolarka oo hoos u dhac uu ku yimid iyo weliba lacagahii shilin Soomaaliga ah oo ciriiri galay.
Xoolo dhaqatada ku nool degmooyinka gobolladaasi iyo dulaaleyda ka shaqeysata suuqyada xoolaha lagu kala gato oo aan la xariirney ayaa waxay ka warbixiyeen qiimaha ay waxa marayaan sida geela, lo,ada iyo ariga.
Aden Cabdi Axmed waxaa uu ka mid yahay dulaaleyda ka howlgasha suuqa xoolaha Baardheere waxaana uu iiga warbixyey qiimaha lagu kala gadanayo noocyada xoolaha .
Sidoo kale Maxamed Muxumed waxaa uu ka mid yahay dulaaleyda Suuqa xoolaha degmada luuq waxaana uu iiga warbxiyey sida maanta uu yahay dhaqdhaqaaqa ganacsiga suuqa xoolaha ee degmada Luuq iyo halka ay wax marayaan.
Deegaannada kale ee aan la xariirney si aan wax uga ogaanno qiimaha lagu kala gato xoolaha nool ayaa waxaa ka mid ah deegaanka Salagle oo ka tirsan gobolka J/dhexe, halkaasi oo uu ku yaallo suuq ballaaran oo lagu kala gato noocyada xoolaha nool, sida uu sharraxayo Weli Aden oo ka mid ah ganacsatada xoolaha ee deegaanka Salagle.
Sidoo kale degmada Diinsoor ee gobolka Bay ayaa waxay ka mid tahay deegaannada sida weyn xoolaha loogu iibgeeyo, waxaana ka furan suuq balaaran oo isku xira ganacsigha xoolaha nool qaar ka mid ah gobollada Koonfurta Soomaaliya.
Salixi/MA
