Mashruuca SWALIM ee saadaasha hawada u qaabilsan hay`adda cuntada iyo beeraha adduunka ee FAO ayaa ku boorrisey dadka Soomaaliyeed gaar ahaan kuwa ku nool dhulka webiyada inay u diyaar garoobaan fatahaado laga yaabo inay dhacaan xilliga Dayrta e nagu soo socoda, sidaana waxaa raadiyo Ergo u sheegay Xuseen Gadain oo ah madaxa dhinaca biyaha ee SWALIN.
“Farriintan siinayno dadka ayaa waxaa ka mid ah webiyadu way buuxaan, dadku waa inay iska ilaaliyaan inay faruuraan webiga, waana inay diyaarsadaan jawaanno ciid ah isuna diyariyaan inay ka hortagaan fatahaado, sidoo kalena ay iskaashi la sameeyaan hay’adaha iyo dadka” ayuu yiri Gadain.
Swalim waxaa kale oo ay sheegtay in roobabku sidoo kale ay ka da’i doonaan dhinaca waqooyi ee waddanka iyadoo ay jirto cabsi dhul go’ ku yimaadda dhulka Soolalka.
Inta la og yahay cimilada fatahadaha ee El nino ayaa dhacday sanadihii 1997 iyo 2006 iyadoo ay ka dhasheen daadad burbur geystay siday sheegtay SWALIM.
MH/AM
