05 June, 2012 MUQDISHOSida uu ku sheegay shir jaraa`id oo uu magaalada magaalada Muqdisho ku qabtay madaxweynaha Soomaaliya Sheekh Shariif Sheekh Axmed ayuu shaaca kaga qaaday in dowladda Tanzania ay kala hadleen arrimo ay ugu muhiimsanayd sii deynta maxaabiista soomaalida ah ee ku xiran xabsiyo ku yaalla dalkaasi.
Madaxwaynaha ayaa sheegay in kulan uu la qaatay dhidgiisa Tanzania, Jakaya Kikwete uu kala hadlay arriamaha maxaabiista iyo sida lagu sii deyn lahaa xilligan “Hadda waxaan wada gaarnay heshiis ah in dhammaan la sii daayo maxaabiista soomaalida waana iga aqbalay madaxweynaha Tanasaniya, waxa hadda la sugayana waa in aan u dirno diyaarad soo qaadda dadka oo dib loogu soo celinayo Soomaaliya.” Ayuu yiri madaxweynaha.
Waxaa sidoo kale labada dhinac ay ka wada hadleen arrimaha taageerada, gaar ahaan sidii dowladda Tanzania ay gacan u siin lahayd Soomaaliya, wuxuuna sheegay madaxweyne Sheekh Shariif in guud ahaan ay isku af garteen wax yaabihii ay ka wada hadleen.
Tanzania waxay ka mid tahay waddamada ugu badan oo lagu xiro maxaabiista soomaalida,waxaana haatan ku xiran dhalinyaro inta badan doonayay inay dalkaasi kaga sii gudbaan dalka Koonfur Afrika.
Cabdulqaadir Maxamed Cabdulle/FM/MG
