Sare u kac aad u xooggan, ayaa waxaa laga dareemayaa Suuqyada iyo Goobaha ganacsiga Degmada Ceelwaaq ee Gobolka Gedo.
Sarakacaasi ayaa lala xariirinayaa hakad ku yimid Gaadiidkii Xamuulka ahaa ee soo galayey Degmadaasi Roobabka da’aya aawadood iyo weliba deganaansho la’aanta ka jirta Deegaankaasi.
Noocyada Raashiinka uu qiimahooda cirka isku shareeray ayaa waxaa ka mid ah Masagada, Bariisk,Burka,Sokorta,Saliidda iyo Baastada kuwaasoo ah cunnada daruuriga u ah Dadka.
Ganacsatada iibisa Raashiinka oo u warramayay Raadiyaha ERGO, ayaa u sababeeyay qiimo kororkaan Roobabka ka da,ay Deegaannada hoos yimaada Degmadaasi Ceelwaaq oo xirey dhammaan Waddooyinkii soo galayey Magaalada iyo dhaqdhaqaaaqyada Ciidan ee ka taagan halkaasi.
Sahro Aaden Cali, oo ka mid ah Ganacsatada iibisa Raashiinka ayaa sheegtay in Qiimaha raashinka uu sare u kacay laba laab qiimihii uu bil ka hor la iibinayay.
Waxay Sahra sheegtay, inay hakad galeen raashiinkii ka imaanayey Magaalooyinka Muqdisho iyo Ceelwaaq Kenya oo inta badan soo gali jiray Suuqyada Magaalada Ceelwaaq Soomaaliya.
Axmed Cumar Saalixi/FM
