(ERGO) – Ururka haweenka ee degmada Cadaado ayaa sheegay in muddo sanad iyo lix bilood ah oo ay wadeen wacyigalin ku saabsan gudniinga adag iyo dhibaatooyinka uu leeyahay inay hoos u dhacday tirada gabdhaha lagu sameeyo.
Wacyigalintan ayay ka sameeyeen xaafadaha magaalada iyo xeryaha ay ku nool yihiin dadka barakacay. Gudoomiyaha Ururkan Sahro Maxamed Axmed ayaa Radio Ergo sheegtay in wacyigalin iyo diiwaan galin wada jir ah oo ay ka sameeyeen xaafadaha magaalada iyo 5 Xero barakac oo ku yaalla duleedka magaalada ay ogaadeen in dadka qaar ay ku baraarugeen waxyeellada gudniinka adag ayadoo hadda dadku u soo weecday dhanka fudud ee sunniga.
“Waxaan ogaannay in shan boqol oo gabdhood oo labadi bil ee la soo dhaafay la guday ku dhawaad shan boqol oo gabdhood oo ah gudniinka sunniga ah, taas oo muujinaysa in wax wayn isbadlaeen, waxaan wareysanaa dadka oo aan waydiinaa int agabdhood ee la guday iyo nooca gudniinka.”
Waxay xustay in markii ay shaqadaan billaabayeen ay qiimayn ay sameeyeen ku ogaadeen in magaalada iyo xareyaha barakacayaasha bishiiba gudniinka adag loo gudi jiray ku dhawaad 200 oo gabdhood halka suniga uu ahaa 150, balse waxay sheegtay in tirakoob ay sameeyeen bilihi November iyo December ku ogaadeen in 478 gabdhood la guday taasi oo 50 loo guday gudniingga adag.
Gudniinka oo dhaqaan ahaan Soomaaliy amuddo badan ka soo jiray ayaa waxaa sameeye oo ku shaqaysta dumar, kuwaas oo qaarkood dhaqaale ahaan ugu tiirsan.
Falxado Cabdullaahi Maxamed oo muddo 10 sano ah, ku shaqaynaysay farsamada gudniinka adag ayaa joojisay kadib marki ay ka faa’ideysatay wacyigalintan.
“Qofki ii keensada o oi dhaha gudniinka adag igu sameeya gabadha waan ka diidaa waxaan dhahaa gabar yahay sidaasi ma fiicna mana bannaana intii hore ilaahay hanaga cafiyo, gabadhaha hadda sunno ayaan kugu gudayaa haddii kale orod u gayso cid aysan wacyigalintu gaarin.”
Waxaa sidoo kale fikirkooda badalay waalindiin aaminasanaa in gudniinka adag yahay mid fiican balse hadda u wareegay in gabdhahooda ay ka joojiyaan. Waxaa ka mid ah Maryan Faarax Ciise oo afar gabdhood oo ay dhashay midda ugu wyan ay u gudday gudniinka adag taas oo ay sheegtay inay aad ugu xanuunsan tahay halka sedexda kale ay u gudday sunniga.
“Gabadhii horaan ku quustayqaatay oo markii laga dhigay fircooniga bay iga xanuunsatay, mudaan la tacaalayay oo aan daawaynayay oo xataa aan dhaqtar geeyey, marki ay qaan gaartayna dhiigga caadada ayay ku xanuunsatay, waxbarashadiina way aadi wayday.”
Xubno lix ah oo k atirsan ururka ayaa toddobaadkiiba sedex jeer sameeya wacyigalinta.
Nafiso Cabdullaahi Jaamac, oo dhibbine u ah gudniinka adag qaybna ka ha dadka wacyigalinta sameeya, ayaa sheegtay in marka laga hadlo gudniinka adag ay damqato oo ay xasuusato dhibki ay ka soo martay.
“Waxaan ogahay maahida loo qabo in gabdhaha laga daayo gudniinka adag oo wax faa’ido aan lahayn haba yarataee, gabdhaha loo dugay marka ay hadlaan anugu waan damqadaa waayo qof loo gudaan ahay, marka maalin kasta waan ka wacyigalinnaa anigu waliba dadka ugu wacyigalinta badan baan ku jiraa.”
Falxado Cabdullaahi ayaa mar kale ka hadlaysa waxay ku kala duwan yihiin gudniinka sunniga iyo kan adag.
“Kaasu qurux buu ahaa iyo naashnaash gabadhaan loo gudinba gabar hoogtay oo bay ahayd shan ilaa lix jeer baan ku noqon jiray oo la I dhihi jiray waxbaa ka dhiman eek u noqo wax fiican bay nala ahayd way rafaadi jireen, laakiin gabdhaha hadda suniga loo gudo waa licib saqiir oo caadi bay u socon way adeegaan.”
