Warbixin la soo saaray ayaa sheegaysa in duufaantii Gati ee labo toddobaad ka hor ku dhufatay xeebaha waqooyi-bari ee Soomaaliya ay uga sii dari doonto xaaladda cunto-yari ee dalka.
Qoysas badan oo xoolo-dhaqato, beeraley, kalluumeysato iyo xajileyda waxaa horay dhibaato ugu hayay oo adkeeyay cunto helistooda roobabka yaraaday, abaaraha soo noqnoqday, xayiraadaha ka dhashay cudurka safmarka ah ee Corona, weerarrada ayaxa iyo sicir-barar.
Haddaba warbixin ay shalay soo saartay shabakadda FEWS-NET ee ka digta macluusha, taas oo hoostaga hay’adda USAID ayay ku sheegtay in duufaanta Gati oo burburisay guryo, dhulbeereed, kaabayaashii dhaqaalaha, agabkii kaluumeysatada, xoolo badanna leysay ay xaaladda uga sii dari doonto.
Arrimahaas waxaan ka wareysanay Cabdirisaaq Maxamed Nuur oo ah wakiilka FEWS-NET ee Soomaaliya, Cabdiraxmaan Taysiir oo teleefoonka ku wareystay isagoo jooga Nayroobi ayaa marka hore weydiiyay inuu noo sharraxo sida ay duufaantu u saameyneyso cuntada.
Halkan hoose ka dhegeyso wareysiga
