(ERGO) – Beeraalayda degmada Jalalaqsi ee gobolka Hiiraan ayaa iska-kaashanaayo sidii loo xiri laha afar melood oo uu webiga ka fataho xilliyada roobka. Afartan meelood ayaa ahaa kuwa inta badan daadad ku ruga beeraha ku yaalla degmada xilliga uu webiga Shabeelle uu biyo keeno.
Beeralayda ayaa ku xirayo meelaha biyaha ka soo baxaan biyaha Jawaano ay ka buuxaan Ciid, tiirar, iyo biro kuwaa oo laga buuxinayo ilaha. Shaqaalaha ka shaqeeyo goobaha ay shaqada ka socoto ayaa is kugu jiro beeralay si lacag la’aan ah shaqada u qabano iyo shaqaalo la siiyo lacag ay iska soo uruuriyeen beeralayda degmada. Beeralayda ayaa midkiiba laga qaaday lacag dhan 7$ dollar. Lacagtan ayaa lagu soo iibiyay laba kun oo jawaan oo loo isticmaalay xiridda goobahaan. Sida ay sheegeen beeralayda halki jawaan ayaa laga siiyay lacag dhan nus doolar.
Maxamed Yuusuf Axmed waa beeralay muddo ka badan 15 sano ku nool degmada Jalalalaqsi ee gobolka Hiiraan. Maxamed oo ah aabbo 7 carruur ah oo noloshiisa ay ku tiirsan tahay beerashada ayaa Raadiyow Ergo u sheegay in goobahaas la sharaayo ay ahaayeen kuwa inta badan qasaaro u gaysan jiray beeralayda degmada.
”Xiliga uu wabiga biyo keeno ayay biyo ka soo baxaan goobahaan. Loolar ayaana galinaa markasta. Waxaa ay dareemayaan markii uu webiga soo buuxsamo, way soo jabsadaan, waxaa ay u baahan yahiin in biyaha lagu ciliyo halka ay joogaan, dadaal badan ayay u baahan yahiin oo joogta ah si beeraha biyaha looga bad-baadiyo,” ayuu yiri Maxamed oo ah mid ka mid dadka ka qaybqaadanaayo howshan.
beeraleeyda degmada Jalalaqsi ayaa ka cabsi qabo in ay dhacaan fatahaado la mid ah kuwii sanadii hore taa oo qasaaro badan u gaysatay beeralayda degmadaas. Qudaarta ka soo go’do Beeraha oo ay si maalinla ah ay u geeyaan suuqa ayay qaar ka mid ah beeralayda u biyaan mashruucan.
”Fatahaadii ka dhacday degmada 2016 waxaa iga soo gaaray qasaaro badan, qarash dhan laba kun oo doolar oo aan galiyay beerteyda oo aan is lahaa amaad faa’iido ka heshaa, ayaan ku waayay beertaasi waxaa ku yaallay bal gallay ah, giger, babaay, qaro iyo baamiyo, dhaqaalaha lagu xiraa aniga dowlad dalaga ka soo go’o beertaan oo aan suuqa geeyno, ayaan labo u qaybinaa, qayb shaqada biyo xireenada Ayaan ku darnaa, qaybna aniga ayaa noloshayda ku maareeyna,” ayuu yiri Maxamed.
