Ku-xigeenka guddoomiyaha guddiga arimaha qaxootiga iyo barakacayasha qaranka Soomaaliyeed Maxamed Amiin Cabdullaahi Xaaji, ayaa Raadiyo Ergo u sheegay in ay yaraadeen qaxootiga ka laabanayay xeryaha Dhadhaab ee dalka Kenya.
Qaxootiga ugu badan ee xiligan Soomaaliya ku soo laabanaya ayaa ka imanaya dalka Yemen oo colaad ka jirto. Maxamed Amiin ayaa intaas ku daray in sababaha keenaya in qaar ka tirsan qaxootiga xeryaha Dhadhaab ka laabtay ay mar kale dib ugu soo laabtan Dhadhaab ayna keeneyso in dadkii oo aan la siineynin dhaqaale ku filan, qaarkoodna ku biiran xeryaha ay ku jiraan dadka barakacayasha ee dugaha Soomaaliya.
Weriyaha Raadiyo Ergo ee qaxootiga Dhadhaab Axmed Nuur Yogol ayaa wareystay Maxamed Amiin Cabdullaahi.
