Dad ku dhow 500 oo qoys oo ku nool xeryo lagu barakacay oo ku yaalla Buurdhoobo ayaan haysan cunto ku filan.
Qoysaskan waxay ka soo barakaceen tuulooyin uu maro webiga Jubba oo ka tirsan Buurdhuubo oo Gedo ah, halkaas oo ay ku tacban jireen beero, laakiin fatahaaddii dhacday bishii Abriil ee sanadkaan ayay ku waayeen wax soosaarkooodii, taas oo keentay inay ku biiraan xeryaha barakaca.
Go’doon ay ku jirto degmadaas muddo 4 sano ah iyo gargaar la’aan ka jirto degmada ayaa dhaliyay cunto-yaraanta haysata dadka soo barakacay. Warbixintaas waxaa innoo haya Maxamed Yamani
