Urur dhalinyaro oo ka dhisan degmada Balanballe ee gobolka Galgaduud ayaa billaabay in dadka ku nool xeryaha lagu barakacay ee degmadaas ay baraan habka loo isticmaalo lacagaha lagu dirsado taleefanka gacanta (mobile). 45 qof ayaa la baray habkaas ilaa marki ay howshaan billaabatay oo ahayd bishii Juun ee sanadkaan.
Gobolka Galgaduud waxaa laga isticmaalaa lacagta la isugu diro taleefannada gacanta, taas oo dhibaato ku ah dad badan oo aan aqoon habka loo adeegsado.
Guddoomiyaha ururka dhalinyarada Balanbale Mahad Cali Isxaaq ayaa weriyaha Raadiyo Ergo ee Guriceel Cabdirisaaq Xirsi Haajirow uga warramay habka ay dadka u baraan adeegsiga lacagta lagu kala dirsado taleefanka.
