Miyiga deegaanka Xanan-buure oo ka tirsan gobolka Galgaduud, waxaa Jimcihii la soo dhaafay goob Alle bari ah ku sumoobay 40 qof, kuwaas oo cabay caano la keenay goobta. Waxaa dadkaas gurmad caafimaad u fidiyay dhakhaatiir ka tagtay magaalada Dhuusamareb.
Drs Naciimo Cali Cisman oo ka tirsan dhakhaatiirtaas ayaa weriyaha Raadiyo Ergo C/risaaq Haajirow uga warrantay sida ay dadkaas u daweeyeen iyo xaaladdooda sida ay hadda tahay, wuxuuna ugu horreyn weydiyay wixii ay arkern markii ay tageen goobta dadku ku sumoobay.
Dhan kale C/risaaq Haajirow ayaa arrintan sumowga wax ka weydiiyay
dhakhtar xannaanada xoolaha ah oo lagu magacabo Suleymaan Maxamed Saalax,
isaga oo sharaxaya waxa sunta noocaan ah keeni kara iyo sida looga
hortagi karo, wuxuuna ugu horreyn weydiiyay ma keeni kartaa sunta xoolaha
lagu daweeyo sumow dhan 40 qof?
