Kumanaann carruur ah oo ku nool xeryaha lagu barakacay ee magaalada Cadaado ayaan haysan waxbarasho, arrintaas oo walaac ku abuurtay waalidiinta ku jira xeryaha barakaca. Qoysaskaas barakaca ah ayaa sheegay inaysan u awoodin inay waxbarasho ka dhiibaan carruurtooda, sidoo kale goobo waxbarasho kama jiraan xeryaha ay carruurtaas ku nool yihiin.
Warbixintaan oo faahfaahsan waxaa inoo haya weriyaha Radiyow Ergo ee magaalada Cadaado Maxamed Dhegacadde.
