Kaxda: Qosas barakacaal ah oo dib ugu laabtay deegaannadoodii

Ku dhawaad 1000 qof oo barakacayaal ahaa oo in muddo ah ku noolaa laba xero oo ku yaalla degmada Kaxda ee gobolka Banaadir, ayaa ku noqday degmooyinka Qansax-dheere iyo Wala-weyn ee gobollada Bay iyo Shabeellaha hoose oo ay markii hore ka yimaadeen. Dadkan oo ay soo barakiciyeen abaarihii deegaannadaas ka jiray ayaa toddobaadkii hore halkaas dib ugu laabtay, waxaana laabashadooda lala xiriiriyay kaddib markii laga baxay waqtigii abaarta, iyadoo qaarkood dib u beerteen beerahoodii. Haddaba cidda gacanta ka siisay iyo qorshaha ay ku laabteen ayaa waxaan ka wareysanay guddoomiyaha degmada Kaxda Maxamed Ismaaciil Cabdullaahi. Maxamed Xaashi oo ka tirsan Ergo ayaa marka hore weydiiyey guddoomiyaha waxa ay ahaayeen dadkan.