Ku dhowaad 15,000 oo qoys oo ku nool deegaanno hoostaga degmada Lughaya ee gobolka Awdal, ayaan wali helin gargaarkii loogu talo galay, maadaama waddooyinkii loo marsiin lahaa ay wali go’an yihiin, kaddib markii dhammaadkii bishii afraad ee sanadkan ay ku dhufatay duufaantii Sagar. Inkasta oo ay socdaan dedaalo dadkaas loogu gurmanayo, hadana wali waxaa adag in la gaadiidku uu gaaro halka dadkaas ay ku nool yihiin oo u badan dhul buuraley ah.
Cabdalle Cali Yuusuf weriyaha Raadiyo Ergo ee magaalada Boorama ayaa warbixintan ku eegaya xaalada nololeed ee dadkaas.
