Deegaanka Binna waxay leedahay deked kaluumaysi, waxayna ka mid tahay degaanka wax soo saarka badda qaniga ku ah ee Guunbax oo ka tirsan degmada Baargaal ee gobolka Bari, kalluumaysatadda kunool ayaa sheegaya in doonyo jariif ahi ay banaanka uga soo saareen hawlahoodii jilaabasho, doonayahaas kallumaysi oo wata shatiyo ay ku astaysan tahay dawlad goboleedka Puntland, waxay kalloo wataan doonyahaani ilaalo Soomaali ah oo aad u hubaysan.
Faarax Axmed Jaamac waa kaluumayste degaanka Binna ku sugan ayaa Ergo u sheegay in doonyo kooban oo ay haystaan ay ku nool yihiin guud ahaan dadka deegaanka, haddana dhibaato badan baa na haysta, shabakadihii ayaa nala ka jar jaray, xabad ayey nagala daaleen, boqolaal doonyood ayey ka badan yihiin waxayna wataan rag hubaysan ilaa 10 ka mid ah kalluumaysatadana waxay u geysteen dhaawacyo iyagona wata donyo aad u casri ah, waxayna noo sheegayaan inay wataan shatiyo kalluumaysi oo ay ka soo qaateen maamulka Puntland.
Kalluumaysatada ayaa sheegay inay heeleen kaadhadhkii aqoonsi ee maraakiibta shisheeye ee ladagaalanka argagixisada heleen, aysanse wax uga tarayn doonyahaan hubaysan oo khatar geliyey nolosha kalluumaysatadda, doonyahana waxaa leh Iraaniyiin iyo Yemeniyiin badidooda.
Wasiir ku xigeenka wasaaradda kalluumaysiga iyo khayraddka badda ee Puntland Maxamuud Maxamed Cali Gablax ayaa isagu Ergo u sheegay inaysan jirin cid Puntland sharci siisay, warqadaha ay wataanna waa been abuur, hadda ayaan wadnaa xog ururin, waxaanan ogaanaynaa dadka wata doonyaha iyo meelahay ka kalluumaystaan.
Wasiirka ayaa ku eedeeyey dhibaatadda jariifka ganacsatadda Soomaalida oo iyagu ah kuwa been abuurka u samaynaya doonyahan shisheeye.
Mid ka mid ah odayaasha deegaanka ayaa sheegay in dhinaca badda hawlahoodii istaageen, “annigu waxaan lahaa saxiimad doon ayaa dusha ka martay oo burburisay, waxayna jar jartay shabaqii aan lahaa, haddaan doonyahaas wax laga qabanna xaaladdu waa ka sii daraysaa.”
Haddii ay sii socoto dhibaatadan waxay keenaysaa shaqo l’aan soo wajahda dhallinyarta, ayuu Ergo u sheegay mid ka mid ah dhaliyaradda deegaanka oo magaciisa ku soo koobay Cabdiraxmaan, “dhalinyarada deegaankaani wax kale ma yaqaaniin, iskuulo ma lahan deegaanku, xirfad kalena lagama barto, keliya hawlaha jilaabasho oo ah xirfado ay ka dhaxleen aabayaashood ayaa u ah xirfadda keliya ay yaqaaniin, baddiinna ma geli karaan oo niman hubaysan ayaa xeebtau taagan.”
Puntland ayaa sheegtay inay waddo qorshe ay ku xoojinayso ciidamadda badda si looga hor tago kallumaysiga sharci daradda ah, oo dhibka ugu bandanna ka jiro goobta labadda badood isaga darsamaan ee Raas Casayr, Olog iyo Daamo oo ah fadhiisin kalluunku nasto, waana meesha hadda noo qorshaysan inaan dejino ciidamo wax ka qabta kalluumaysiga sharci daradda ah.
Khadra
