Intii ka dambaysay Idii arafo ayaan xooluhu lahayn wax iib ah, Sayladda Burco ayaa iyadu ahayd todobaadkaan mid aan neefna joogin, Khadar Cali Xaasho oo ah hawl wadeen u shaqeeya shirkadda xoolaha dhoofisa ee Saleebaan Aljabiri ayaa Ergo u sheegay in todobaadkaan soo socda ay shirkadoodu bilaabi doonaan dib u dhoofintii xoolaha.
Saleebaan ayaa sheegay in xajkii la soo dhaafay ay xooluhu suuq fiican lahaayeen, isagoona ugu baaqay xoolo dhaqatada ay keenaan xoolaha sayladda Burco.
Sidoo kale Sayladda Baydhabo ayaa iyana mudo hadda laga joogo 10 maalmood waxaa is badel uu ka jira suuqa xoolaha nool lagu iibiyo ee magaalada, sayladda ayaa iyana hadda cidla ah, horay xoolaha waxaa laga keeni jiray goboladda ku xeeran Baydhabo.
Sheehkh Aadan Shariif Axmed oo ka tirsan ganacsatadda xoolaha ee Baydho ayaa Ergo u sheegay in xili roobaadkii dayrta oo da’ay keentay in xoolo dhaqatadii aysan soo iib geyn xoolaha. Roobabka ayaa iyana wadooyinkii qaar xiray waana arrin kale oo iyana uu sabab uga dhigay suuqa oo aysan xoola joogin.
MH
