Boqol qoys oo ka soo cararay dagaalladda ka dhacay Buulo-mareer iyo Kurtunwaarrey oo ka wada tirsan gobolka Shabeellaha Hoose ayaa gaaray duleedka Muqdisho.
Minoyaro Isxaaq waxay ka timid deegaanka Jeerow ee gobolka Shabeellada Hoose waxay u sheegtay Radio Ergo in deegaanka ay kaga soo carartay qaar ka mid ah carruurteeda oo dadkii dariska ahaa ay la carareen meel ay ula qaxaanna aysan garanayn.
Maama da’ah oo ka timid Buulo Mareer ayaa u sheegtay Ergo in ay ka soo carartay dagaalkii ka dhacay Buulomareer, waxa ay intaasi ku dartay in ilmaheeda ay yihiin dad waa weyn oo ay isla socdaan.
Cabdulqaadir Maxamed Muuse wuxuu ka soo barakacay deegaanka Bambaasa ee hoos yimaada Kurtunwaarrey waxa uu deegaanka wuxuuna la soo gaaray 3 carruur ah iyo hooyadood.
Duleedka Muqdisho waa halka ugu badan oo ay ku noolyihiin dadka barakacayaasha ah kuwaasi oo qaarkood ka baxay xeryo ku yaala gudaha magaalada dadkii laga saaray dhismayaashii dowladdu lahayd iyo barakacayaal cusub oo ka yimid deegaannada ay ka jiraan xiisadaha dagaal.
Cabdiqadir Mohamed/FO
