Beeralleyda ku nool tuulooyin ka tirsan gobolka Hiiraan ayaa ka cabanaya saamayn ay ku yeelatay roob yaraanta sanadkan ka dhacday Soomaaliya, kuwaasoo inta badan beeraha tabcada xilli roobaadka.
Tuulooyinka kala ah Caadileey,Guryo-cadde,Hiiraan iyo Ilko-cadde iyo Jawiil oo ka wada tirsan magaalada Beledweyne, kama soo go’in wax dalag ah sanadkan roobka oo aad u yaraa awgeed oo beeruhu aysan helin biyo ku filan sida uu Ergo u sheegay Maxamed Cabduqaadir.
Wuxuu intaa ku daray in noolasha dadku tahay mid liidata marka laga hadlayo dhanka biyaha iyo wax soo saarka beeraha,waayo nooma dhawa webiga haddii aan isticmaali lahayn matoor ma haysanno qalab nagu filan oo biyaha webiga looga soo jiido si beeraha loo waraabiyo.
Waxaa sidoo kale xaaladdoodu liidata xoolaha oo aan loo hayn wax la siiyo maaddaama lagu quudin jiray balka ka soo go`a beeraha mana jiro daaq kale oo xilligani ay cunaan waayo roob fiican haddii uusan di’in dhulka baad maleh.
Maxamed Cismaan/FO
