Cabdilaahi Cali Xuseen(Goosaweyne) waa oday 60 sano jir, wuxuu ka mid yahay Beeralleyda Waraabka ee tuulada Helo-carmo oo Baardheere u jirta 40 km, waxaa muddo ka badan 40 sano ay nolashiisa ku tiirsaneyd wax soosaarka beeraha.
Waxaan tacabka beerta uga faa’idaystaa matoor ii saran webiga jiinkiisa oo aan ku waraabiyo dallagga aan beero, cabirka beertaydu waa 15 hiktar waxaa ka shaqeeya 15 ruux oo 5 ka mid ah ay yihiin qoyskeyga, ayadoo 10 kale ay yihiin dad aan shirko nahay oo aan wadaagno wixii dalag ah ee ka soo go,a beerta, sidaa waxaa yiri Cabdullaahi.
Wuxuu intaa ku daray inay abuuraan dallagyo ay ka mid yihiin basasha, Galleyda, Sisinta iyo noocyada kale geddisan ee Qudaarta, dalagga waxay u iibgeyaan magaalada Muqdisho,way jiraan caqabado aan la kulanno sida Fatahaadaha uu sameeyo webiga Jubba iyo Bur-bur ku yimaada Kannaallada biyaha soo qaada oo khasaare noo gaysta, hadda ma jirto cid na caawisa, waxaa sidaa Ergo u sheegay Goosaweyne.
Xilligi dowladdii dhexe ee Soomaaliya ay jirtay waxaan heli jirnay tababarro, baldooska dhulka lagu banneeyo iyo waxyaabo kale balse hadda ma jiraan.
Axmed Saalixi.FO
