Afar carruur ah ayaa lagu soo warramayaa inay gaajo, harraad iyo nafaqo darro ugu geeriyoodeen tuulada Marodile oo 35 KM dhanka waqooyi ka xigta magaalada Gurceel ee gobolka Galgaduud, sida uu Ergo u sheegay Cabdirisaaq Mire oo ka mid ah dadka deegaanka.
Biyaha deegaanka laga cabbo waa kuwa ganacsi oo ay keenaan booyado fuustada qiimaheedu waa 120 kun oo shilin Soomaali ah oo aysan awoodin dadka reer miyiga ah iyo kuwa tuulada jooga, mararka qaarna lama helo, sidoo kale booyadaha waxaa aad ugu adag inay yimaadeen tuulada waayo waa bacaad oo gawaaridu kuma socon karaan, xooluhu iib maleh oo waa kuwo macaluulsan oo abaartu saameysey, xaaladdu meel halis ah ayey maraysaa sidaa waxaa yiri Cabdirisaaq.
Waxaa jira dad kale oo isugu jira carruur iyo dad waaweyn oo la jiifa xannuuno ay ka mid tahay nafaqo darrada mana jiro adeeg caafimaad oo ay helaan, wax gargaar ah oo soo gaaro maleh.carruurta geeriyootay ayaa da,adoodu ka yartay 5 sano.
Cabdrisaaq Mire ayaa intaa ku daary in xaaladda ay sii xumaynayso xoolaha oo aan beeclahayn macaluul awgeed,waxaan codsanaynaa gurmad bani’aadamnimo in nala soo gaarsiiyo waayo dadku waxay u dhimanayaan gaajo, harraad, nafaqo darro iyo cudurro ay sababeen abaarta iyo biyo la,aanta.
Maxamuud Cabdalle/FO
