Dadka ku baraarugaya inay iska baaraan cudurka jooniska la yiraahdo (Hepatitis B) iskana talaalaya ayaa ku sii kordhaya Somaliland bilihii ugu dambeeyey, takhaatiirka iyo xarrumaha magaladda Hargeysa ayaa sheegay in dadka u imanaya saddexdii bilood ee la soo dhaafay ay saddex laab kordheen.
Dr. Cabdirashiid Axmed oo ah takhtar ka hawl galla xarunta Dentistry Centre ee Hargeysa ayaa Ergo u sheegay ” waxaan horay talaal cudurkaan ah noogu imaan jiray 30 qof bil kasta, haddase dad ka badan 45 ayaa bil kasta noo yimaadda si looga talaalo cudurkaan”.
Takhtarka ayaau aaneeyey kororka dadka iska baaraya iyo kuwa qaadanaya talaalka wacyi gelin dheeraad ah oo dhinaca cudurkaan la xiriirta oo dadku helayaan.
Dr. Axmed ayaa sheegay in cudurkaani si aamusan uu dadka reer Soomaliland u laynayey, toosoo ay ugu wacnayd iyadoo aysan jirin talaal iyo hab daaweyn ah oo horay looga heli jiray magaladda, wakhtigaanna dadku ay u imanayaan xarrunta iyagoo qoys ahaan uwada socda doonayana inayiska baaraan cudurka.
“Koox kastoo oo qoys ah oo aan baarno waxaan ka helnaa cudurka qaar ka mid ah, iyadoo aan cudurkaan la daaweyn karin, hase ahaatee uu leeyahay talaal qofka ka badbaadinaya wax yeeladiisa”
Cumar Serbiya
