Ururka Somali Agriculture Technology Groups SATG ayaa soo bandhigay hanaan ku dhisan farsamo casri ah oo kor loogu qaadayo wax soo saarka beeralayda yar yar.
Cabdilqaadir Maxamed Abiikar oo ah aqoonyahan dhinaca beeraha ah kana tirsan hay,ada SATG/Filsan oo fulinaysa mashruuca ayaa Ergo u sheegay in farsamadaan laba sano ka hor ay ku tijaabiyeen Afgooye beer ku taal, dalagga geleyda keliyana ay ku tijaabiyeen, haddase ay u gudbeen inay ku fiiriyaan dhamaan waxyaalaha kale ee la beerto.
Mashruucaan waxaa loo sameeyey in beeralayda yar yar ee Soomaalida dagaaladdu aafeeyeen wax soo saarkooda la kordhiyo, hadda beeralayda yar yar halkii hektar waxay ka goostaan 10 kiintaal oo geley ah, waxayna farsamadaani gaarsiinaysaa inay helaan in ka badan 50 kiintaal.
Farsamadaan ayaa ku timid baaritaan sheybaar oo lagu sameeyey ciidda, iyadoo SATG ay sheegtay in caadiyan ciidda wax lagu beerto ee dhulka Soomaaliya ay ku yartahay maadooyinka Phosphorous iyo Nitrogen taasoo lagu kordhinayo maadaddaas, sinaysana awood dheeraad ah oo dalagii ku falxamayo heer ka wanaagsan kii horay dadku u helayeen.
Adan/MH
