Labo qof ayaa siyaabo kala duwan ugu dhintay fatahaada webiga Shabelle ee kala xirtay degmada Jowhar iyo tuulooyinka ku dhow dhow ee gobolka Shabeelada Hoose. Labada qof ee dhintay mid ka mid ah waa gabar yar oo sagaal jir ah, oo ku geeriyootay buqda Shiiraar-gab ee dhanka Waqooyi ee degmada Jowhar.
Buqdaas waxa ay ka mid tahay halka webigu weli ku fatahayo. Gabadha yar oo kasoo jeedaa qoys reer miyiga ah oo deegaanka Konko degan, buqda qarkeeda ayey caws-kagureysay. Waxaa gabadha magaceeda lagu sheegay Farxiyo Nuur Muxumad.
Qof kale ee dhintay waa wiil shan iyo toban sanno jir ah oo magaciisa lagu sheegay Darbane Saleebaan. Axmed oo isku dayay in uu dabaaal uga gudbo webiga Shabelle dhanka Dhay-gawan ayaa waxaa ku yimid daad xoog leh oo ku haraqmay.
Bishii hore, labo qof ayaa isla Dhay-gawaan ku geeriyooday kadib markii ay qallibantay doon ay la socdeen.
Doonta qallibantay oo ay saarnaayeen 12 qof ayaa ku socotay tuulada Gawaan oo 5km u jirta degmada Jowhar oo ay fatahaaddu go’doomisay.
Afar haween ah iyo nin waayeel ah oo ka mid ah ahaa dadka doonta saarnaa ayaa la badbaadiyay, laakiin shan qof oo kale ayaa weli meelna lagu sheegin.
