Sacuudi Carabiya ayaa guddoonsiisay wasaaradda Adeegga bulshada deeq dawo ah oo loogu talo galay isbitaallada magaalada Muqdisho. Kunteenarro deeqdan dawada ah oo isugu jirta daawo iyo qalab caafimaad ayaa talaalladii lagu wareejiyay wasiirrada adeegga bulshada dowladda Soomaaliya marwo Maryam Qaasim Axmed.
Wasiiradda oo hadlaysay kadib markii ay la wareegtay dawada ayaa sheegtay in deeqdan loo qeybin doono isbitaallada magaalada Muqdisho oo ay sheegtay inay haysto dawo yari. ma cadda tanka deeqdan dawada ah, laakiin weriyaha Ergo ee Muqdisho ayaa sheegay in deeqdu ay kusoo aaday waqti ay sii kordhayso daawo yarida haysta isbitaallada magaalada Muqdisho. Isbitaalka dhallaanka iyo hooyada ayaa ka mid ah isbitaallada magaalada ee qarka u saaran inay u xirmaan daawo la’aan.
C/qaadir Maxamed Cabdulle
