Degmooyinka gobolka Banaadir oo weli ay ka socdaan howlihii tallaalka cudurka dabeysha ayaa waxaa jirta in dadku ay hadda qabaan faham wanaagsan oo ay qaadanayaan tallaalka, goobaha la isugu yimaado ayaanad ku arkaysaa dadkoo si niyadsami leh uga qaadanaya tallaalka oo ay keenayaan dadka wadaa, iyagoona isku dhiiri gelinaya.
Goob baar ah oo dadku ay ka qaxweeyaan, kuna taalla wadadda KM4 waxaa soo gaaray koox caafimaad, waxayna bulshada kusugnayd goobta ay ka dalbeen in ay qataan talaalka, weriyaheenna oo ka mid ahaa dadka goobta ku sugnaa ayaa sheegay in dadkii dhammaan qaateen talaalka, waxaana qaar kamida bulshada talaalka qaadatay ay u sheegeen raadiyo Eergo Dr. Axmed oo ka kamid ahaa dadka qaatay talaalka wuxuu goobta ka sheega, in talalaka uu yahay mid u fiican caafimaad oo leh difaac cudur ”Aniga waxaan qaatay tallaalka waxaan ahay qof jirkiisa uu ku jira talaal gaaraya 20 tallaal waayo waxaan ku soo koray goob hoyga carruurta “boarding “
Xasan Kaafi wuxuu ka mid yahay waxgaradka ku dhaqan magaalada, wuxuu qaatay talaalka dadka waa wayn ee hadda ka socda Muqdisho, wuxuu u shegay Ergo in talaalka markii hore uu dhaliil sanaa, laakiin hadda uu qaatay, carruurtisna tallaalay, markii uu arkay in bulshada oo dhan ay qaateen talaalka taasina ay ku biirisay in uu qaldanaa haddase uu yahay mid beddeley fikirkiisii.
Cabdinaasir Guuleed oo isaguna ah nin 50 jir ayaa Ergo u sheegay inuu qaatay tallaal markii labaad inta uu socday ololaha tallaalka cudurka dabeysha.
Goobaha ay dadka waa wayn tallaalka ku qadanayaan waxaa ka mid ah jaamacadaha iskuulada iyo goobaha shaqada, Faysal waa arday dhigta Jaamacadda Hope University wuxuu qaatay tallaalka waxa uuna sheegay in guud ahaan ardayda iyo maamulka sarebaqaateen tallaalka, wuxuuna sheegay in talaalka uu yahay mid faa iido badan leh loona baahanyahay in dadku ay qaataan talaalka.
Dr. Abdikariim Caseyr Cali oo ah khabiir dhinaca tallaalka cudurka dabeysha ayaa Ergo u sheegay in dhibaatadda hadda ugu badan ee hor taagan qaadashadda tallaalka ay tahay arrimaha ammaanka, iyadoo ay adagtahay goobo badan oo koonfurta iyo bartamaha wadanka ah inay gaaraan hawl wadeenada fulinaya, Mr. Assaire ayaa intaas ku daray in figradihii khaldanaa ee laga qabay ay soo yaraanayaan kadib wacyi gelin badan oo la sameeyey.
Guud ahaan Soomaaliya maalmihii la soo dhaafay waxaa ka socday ololaha tallaalaka cudurka dabeysha kaasi oo la doonayo in la caribtiro kadib markii Soomaaliya laga helay 41 oo ah cudurka dabeysha ah.
Abdulkadir/MH/FM
