Ururo ilaa shan ah oo xuquuqul insaanka iyo arrimaha saaxafadda ka shaqeeya ayaa si caro leh uga jawaabay maxkamad shalay xukun ku riday haweenay ciidamada dawlada ku eedaysay in ay kufsadeen iyo saxafigii wareystay.
Hayáddahan waxa ay sheegeen in ay tani ay dhabar jab ku tahay dadaalkii la doonayay in lagu dhameeyo kufsiga iyo ilaalinta xoriyadda saxaafada.waxaana ay ugu baaqeen dawladda in ay laasho kiiskaas aan salka lahayn ee ka dhanka ah saxafiga iyo haweenayda.
Ururadan ayaa waxa ay sheegeen in ay habka loo isticmaalay xukunkan uu yahay mid aan caddeeyn, balse waxa ay sheegeen in maxkamadda ay isticmaashay xeerka ciqaabbta Soomaaliya iyo eedo kale oo loo tiigsaday shareecadda Islaamka. Saxafiga cabdicasiis Cabdinuur waxaa lagu xukumay hal sano oo xarig ah isagoo lagu eedeeyay in uu been abbuuray, inkastoo uusan marnaba ku daabacin warbixinta lagu eedeeyay in uu haweenayda ka qaaday.
Waxaa cabdicasiis sidoo kale dacwad soo oogaha uu ku eedeeyay in uu amar laáan galay guriga qof kale leeyahay iyo in uu ku been abbuurtay hayádd ka tirsan dawlada taana uu macnaheedu yahay in uu dhaawacay magaca dawladda.
Cabdicasiis waxaa lagu hayaa xabsiga dhexe ee Muqdisho, balse waxa makamadda waxa ay amartay in la sii daayo seyga haweeneyda sheegatay in la kufsday iyo labo qof oo kale oo lagu waayay wax dembi ah.
Madaxa barnaamijyada hayáddaha Amnesty International Netsanet Belay, ayaa waxa ay sheegtay in xukunkan uu macnihiisu yahay in qof walba oo Soomaali ah ee kufsi ay u gaysteen ciidamada amaanka Soomaaliya in uu labo jeer ka fakaro ka hor inta uusan booliska wargelinin. Waxaa Amnesty ay dawlada ugu baaqday in si deg deg ah xagsiga uga siideyso saxafiga cabdicasiis cabdinuur Ibrahim.
Hayáddaha ku lugta u ololeynta in dawladda ay sii deyso saxafiga xiran ayaa waxaa kamid ah Urururka saxafiyiyiinta qaranka Soomaaliyeed ee NUSOJ, HRW, Amnesty International, iyo ururka difaaca saxafiyiinta ee CPJ.
Dacwaddan ayaa waxa ay salka ku haysaa kadib markii saxafiga Cabdicasiis Cabdinuur Ibrahim uu wareystay haweenayda sheegtay in ay kufsadeen ciidamada amaanka 8dii bishii Janaayo ee sanadkan.
Kooxaha xuquuqul insaanka ayaa waxa ay doodayaan in Cabdicasiis uusan sheekada soo daabicin sidaas darteedna aysan ahayn in uu xabsi ku muteysto. 10KII Janaayo ayaa la xiray saxafiga.Waxaana ciidamadu ay baareen gurigiisa ilaa labo jeer.
Hayáddahan ayaa ugu dambeyntii sheegaya in dacwad soo oogaha dawladda uusan maxkamadda hor keenin caddeymo rasmi ah oo la xiriira eedaha ay u jeediyeen Cabdicasiis iyo haweenayda.
