Waxyaalaha kiimikaalka ah ee lagu isticmaalo guryaha iyo kuwa cuntada lagu daro ee warshadeysan ee loo yaqaanno EDC (Endocrine-Disrupting Chemicals) ayaa la ogaaday inay dhibaato u geystaan hannaanka qanjirrada soo saara difaaca jirka bani’aadamka.
Warbixin ay soo saartay QM ayaa sheegtay in marka dambe dhibaato caafimaad ay keenaan isticmaalka cuntooyinka ay ku jiraan kiimikooyinkan. Warbixintan oo dheerayd ayaa intaas ku dartay in kiimikooyinka loo isticmaalo wanaajinta cuntada ay horseedaan caafimaad darrada asiibta qanjirrada, iyadoo keenta kansarka haweenka kaga dhaca naasaha, kan ku dhaca qanjirka kaadi mareenka, maskax feredka carruurta iyo sido kale kansarka ku dhaca qanjirka dhuunta.
Wax soo saarka lagu daro kiimikada ayaa ku sii kordhaya noloshan casriga ah, waana qeyb muhiim ah oo ka mid ah dhaqaalaha caalamkan.
Warbixintaan oo si wada jir ah ay soo wada saareen hay’adda deegaanka qaramada midoobay ee UNIEP iyo hay’adda caafimaada adduunka ee WHO ayaa waxa ay ku baaqday in la sameeyo baaritaan si loo muujiyo xiriirka u dhaxeeya cuntooyinkan kiimikada lagu daro iyo cudurrada qaar.
Habka qanjirrada difaaca jirku waa hab wareegsan iskuna xiran kana kooban qanjirro badan oo soo daayo dheecaamo gaar ah kuwaasoo muhiim u ah sida kuwa soo daaya maaddada metabolism oo ah tan kala dirirta jirka sunta, qanjirrada soo daaya dheecaanka , horumarka maskaxda, hurdada iyo dareenka caadiga ah ee qofka, warbixintan ayaa gunaanudkeeda lagu sheegay in cuntooyinka kiimikada lagu daro aysan si sahlan u beddeli karin habka shaqo ee qanjirradaan.
MH/MG/FM
