Wasaaradda arrimaha gudaha Puntland ayaa oga digtay shacabka ku nool deegaanada xeebaha Puntland gaar ahaan gobollada Bari iyo Sanaag, dabaylo xooggan oo roob wata oo ku soo beegan sida ay sheegeen kooxaha saadaasha hawada.
Dadka ayaa loo sheegay iney taxaddar badan ka qaataan oo laashashka badda ku jirana la wargaliyo, iyadoo dadka iyo duunyadana laga saaro meelaha godadka ah iyo biyo mareennada. Wasiirka Arimaha Gudaha ee Puntland Maxamed Cabdiraxmaan Dhabancad ayaa arintaan uga waramay weriyaha Radio Ergo Yusuf Cabdi Shire.
