Dowladda Soomaaliya iyo hay’adaha gargaarka ee ka howlgala gudaha dalka ayaa sheegay in loo baahan yahay lacag ka badan hal bilyan oo doolar si wax looga qabto baahiyaha bani aadamnimo ee haysta dad gaaraya saddex milyan iyo afar boqol oo kun.
Baahiyaha wax looga qabanayo lacagtaas ayay dowladda iyo hay’aduhu sheegeen inay tahay colaado, isbaddelka cimilada iyo barakaca saameynta ka dhalatay.
Dhaqaalahaan ayaa loo baahan yahay sanadkaan 2019-ka, weliba waxay si wadajir ah u shaaciyeen in si degdeg ah loogu baahan yahay, si loo sii wado gurmadka.
Maxamed Xasan oo Ergo ka tirsan ayaa yaboohaan ka waraystay Cabdullaahi Maxamed oo ah xiriiriyaha arrimaha warfaafinta ee wasaaradda Gargaarka iyo Arrimaha Bani’aadanimo ee Soomaaliya.
