Gudniinka ayaa ah sanco ay weli isticmaalaan Soomaalida, gaar ahaan kuwa ku nool bariga Afrika. Gabdho badan ayaa la kulmo sancadaan oo ay dhibaato jir iyo maskaxeedba kala kulmaan mararka qaar.
Gobolka waqooyi-bari Kenya wuxuu ka mid yahay meelaha uu weli ka jiro gudniinka. Gabdhaha ku nool deegaannada gobolkaas ayaa sancadaan lagu sameeyaa xilliyada ay dugsiyada xiran yihiin ama fasaxa ay yihiin gaar ahaan bilaha ugu dambeeya sanadka.
Faadumo Maxamed Macallin oo ah gabar dhallinyaro ah oo u oloeysa jiijinta gudniinka fircooniga oo ku nool magaalada Nairobi ayaa Fowsiya Cumar oo ka tirsan Raadiyo Ergo uga warrantay arrintan. Waxaa marka hore la weydiiyay waxa ay ka qabatay gudniinka fircooniga oo weli ka jiro gobolka.
