Agaasimaha isbitaalka degmada Buurdhuubo ee gobolka Gedo ayaa u sheegay Raadiyo Ergo in daawo la’aan ay ka jirta isbitaalka magaalada, iyadoo toddobaadkan uu halkaas ka dillaacay xanuunka duumada.
Wuxuu sheegay in inka badan 100 qof oo ay ka heleen xanuunka ay u sheegeen in aysan u heyn daawo, taaso beddelkeedana ay u qoreen dawo si ay bannaanka uga gataan. Daawada isbitaalka uu bixin jiray markii hore ayaa aheyd lacag la’aan.
Sababaha daawo la’aanta keenay iyo adeegga caafimaadka ee degmada ka jira ayaa Leyla Cabdi Maxamed oo ka tirsan Raadiyo Ergo ay wax ka weydiisay.
