Ku dhowaad kun qoys oo ku noolaa tuulooyin ka tirsan Hiiraan, oo uu maro weiga shabeelle, ayay saameysay fatahaad uu sameyay webiga. Qaar badan oo kamid ah dadka tuulooyinka uu webigu ku fatahay waxaa go’doomiyahay biyaha badan, oo weli maysan helin fursad ay uga bixi karaan meelaha ay joogaan. Boqollaal kalena way barakaceen, oo waxay tageen dhulalka taagga iyo meelaha ka baxsan dhulka uu webigu maro.
Dadka ay fatahaaddu saameysay waxay markoodii hore la daalaa dhacayeen saameyn ay ku yeelatay abaarti. Waxay isugu jiraan xoolo-dhaqato iyo beeraley. Qoysaska beeraleyda ah waxaa fatahaaddu ay saameysay beerihi ay tacbadeen bishi hore, si ay uga faa’iideystaan roobabka gu’ga. Sidoo kale kumanannaan qoys ayaa ka barakacay Beledweyne iyaga oo ka cabsi qabo inay saameyso fatahaad uu sameeyo webiga oo buux dhaafay. Weriyaheenna Beledweyne, Jamaal Cali Cabdi ayaa warbixintaan ka soo diyaariyay.
