Afar boqol (400) oo gabdhao ah oo ka soo jeeda qoysaska barakacayaasha iyo dan yarta ee gobolka Mudug ayaa ka faa’idaysanaya deeq waxbarasho oo ay iska kaashanayaan wasaaradda waxbarshada Puntland iyo hay’adda Relief International.
Gudoomiyaha waxbarashada ee degmada Gaalkacyo ee Puntland Maxamed Cabdi Farax ayaa Ergo u sheegay in gabadhahaan da’doodu u dhxayso 6- 19 sano jir, waxayna isugu jiraan dadka dan yarta ah ee magaladda degan iyo kuwo ka soo jeeda qoysaska ku jira xeryaha barakacayaasha magaalada, gabdhahaan ayaan qoysaskoodu awoodin inay iska bixiyana dhaqaalaha lagu dhigto dusigayada sare iyo kuwa dhexe, sidoo kale gabdhaha waxaa ka mid ah kuwo ka soo hayaamay degaanadda miyiga ah oo aan qoysaskoodu deganayn magalada.
Wuxuu intaa ku daray in mashruucan oo socon doono ilaa 2017, wuxuna soo bilowday bishi Luuliyo ee sanadkan wajigiisa labaad, qoysaska sida u kala liitaan ayaa looga soo xulayaa carruurta.
Suhaybo Ibraahim Maxamed oo 18 jir ah dhigatana fasalka 2 ee dugsiga sare ayaa Ergo u sheegtay in marar badan aydoo cashar dhiganaysa laga joojiyey loona diray lacagti iskuulka oo aysan awoodin waalidkii dhalay oo biliha qaar guriga iska joogi jitray balse hadda ay aad ugu faraxsan tahay fursadan ay heshay ee waxabarshada bilaashka ah.
Samasam Sheekh Xuseen oo ah hooyo haysta 11 carruur oo danyar ayaa 2 ka mid ah carruurteedu ka faa’idaysanayaan mashruucan, waxayna Ergo u sheegtay inay aad ugu faraxsan tahay maadaama aysan awoodin lacgata iskuuladda.
Mashrucan ayaa wuxuu ku egyahay sanadka 2017 – wuxuuna soo billowday wajigiisa 1-aad sanadkii 2013, mashruucaan oo koobnaa ayaa Puntland oo dhan waxaa ka faa’iidaystay wakhtigaas 200 gabdhood oo u badnaa qoysaska barakacayaasha oo aan cidna u maqnayn oo carruurtoodan aan ka bixim karin lacagta iskuulka ayaa si aad ah u soo dhaweeyey barnaamijkan, mashruucaan ayaa ka jira gobollo kala duwan oo Soomaaliya ah oo ay hadda ka faa’iidaysanayaan gabdho tiradoodu dhantahay 22562.
Burhaan Maxmaed Cabdi
