Qiimaha bariiska ka soo baxa degmadda Jowhar ayaa kor u kacay, iyadoona ay tani ugu wacan tahay fatahaadii labadii sano ee la soo dh aafay oo keentay in aan beero badan la tabcin, qiimaha ayaa hadda maraya 720 kun oo shillin Somali ah 50 kiisa kiila.
Faarax Calay oo ah dadka ka ganacsada midhaha gudha ka soo baxa ayaa Ergo u sheegay in markii hore 50 kiilo ay ku iibsan jireen 350 kun oo shillin, isagoona sheegay in wax ka yar 10 kiish ay ka yaalaan bariiska Jawhar.
Xaaji Cambe oo isna ka mid ah dadka beerta bariiska ee deegaanka Beerow ayaa Ergo u sheegay in beerihii bariiska ay gooyeen biyaha, isaguna 4 hiktar oo bariis ah ay biyuhu ka gooyeen “hadda waa ii jeedaa suuqa Jowhar ayaan iska dhex taaganahay, beertaydiina biyaa gooyey, ilaa hadda afar fasal ma soo go’in.”
Jowhar ayaa ah deegaanka Soomaaliya ay dadku ka beertaan bariiska, Fadumo Cali Xasan oo ka mid ah haweenka ka ganacsan jiray bariiska dalka ayaa Ergo u sheegtay in bariis hadda maraya 700 oo kun ka badan ma iibin karno, waxna kama helo, tan kale maba helaysid, dadkuna kaa iibsan maayaan oo waxaa ka raqiisaysan bariiska laga keeno banaanka.
Faadumo ayaa sheegtay in markii hore ay faa’iido ku heli jireen ka ganacsiga bariiska dalka, dadka dan yarta ah ayaa iyaguna sheegay in ay ahayd cunto aad raqiis ugu ah gudaha Jowhar, haddase uu meesha ka baxay, Xaaji Cambe ayaa sheegay in abuurka bariiska laga keeno Shiinaha, isagoona intaas ku daray intii maamulka dawladdeed maqnaa ay iyana ragaadisay beeristii bariiska, aysanna haysan bacrimiye, sidoo kale habka waraabku uusan ahayn mid dheeli tiran.
Beeraha bariiska ee tuulada Beerey ayaa ahaa mashruuc ay hir gelisay dawladdii shiinihu xilligii 1980meeyaddii ee dawladdii Siyaad Barre, iyadoo markii dalku burburayna ay dadku weli sidii qabatimeen beerista bariiska.
Maryan
