Beeraleyda degmada Buurdhuubo ee Gobolka Gedo oo isugu jira kuwa wax soo saarkoodu uu ku tiirsan yahay dhinaca waraabka ee jiimada iyo kuwa adablaha ee roobka ku baxa ayaa bilahii la soo dhaafey waxaa saameyn adag ku yeeshay wax soo saarkooda colaado iyo abaaro is biirsadey.
Beeraleyda oo rajo badan ka qaba roobabka xilliga Deyrta oo aan weli si fiican uga da,in deegaanka, lase saadaaliyey inuu wanaagsanaan doono ayaa waxaa culaysku haya helitanka shidaal ay ku qotaan beerah
Dirham Sheikh Cali oo ka mid ah beeralayda Buurdhuubo ayaa Ergo u u sheegay inay baahi weyn u qabaan sidii ay u heli lahaayeen Shidaal iyo qalabka dayactirka matoorada.
Cali Cabdi Samad oo ka mid ah guddiga beeralayda Buurdhuubo in todobadii bilood ee la soo dhaafay aysan goosan wax dalag ah, xilligaan dayrtase ay rajo qabaan, dhibaataduse tahay colaada oo xirtay wadooyinka
Wariyaha Ergo ee deegaankaas ayaa sheegay in hadda shidaalka si dhumaalaysi ah looga soo qaado dhinaca degmadda Luuq oo 80km oo dhinaca waqooyi ah, iyadoo loo adeegsado gaari dameero, halka litir ee naafatada ah ayaa ka maraya Buurdhuubo $2.5, halka Luuqna uu ka yahay $1.
Beeralayda oo hadda u bahan inay cagaf ku carro rogaan beerta ayaa cagaftu sacadii ku qaadataa 3 milyan oo shillin, halka degmooyinka uusan ganacsigu ka xirnayni sacadi ay 1 milyan oo shillin ku fasho beerta.
Beeralayda ayaa walaac ka qaba in roobka dayrta oo fiicnaada haddana ay rajadu ka xumanayso colaadaha xiray wadooyinka.
Saalixi
