Takhaatiirta xoolaha ee degmadda Doolow ee Gedo ayaa sheegaya in nafaqa darrida iyo tamar xumida haysata xilligaan xoolaha ay keentay cuduro haya, siduu Ergo u sheegay Shiraar Cadow Muxumad Aadan oo ah takhtar xoolaad
“Waxaa i soo waca xoolo dhaqatadda si aan ugu daaweeyo, wakhtigaan oo abaar lagu jiro, xooluhu waa kuwo aad u caato ah mana jirto daawo, xoolaha waxaan siinaa daawooyin yar yar oo farmashiyayaal magaladda ku yaal laga soo qaado , cudurrada hadda jirana waxaa ugu badan cudurka diifka oo adhiga haya, cudurro lo’da haya ayaa jira oo ay ka mid yihiin garbaha isku dhejinaya dhareerna ay afka ka keenayso, waxaase ugu badan hadda oo xoolaha hayaa waa gooryaan iyo burkiitada”
Takhtar Shiraar ayaa sheegay inay u doontaan daawada xoolaha degmooyinka Mandheera oo Kenya ah iyo Dollow oo Ethiopia ah, halkaas oo ay ku yaal goobo lagu iibiyo daawoyinka xoolaha, cuduraddaan haddan aan ku arkay xoolaha horay waxaan uga hor tegi jirnay talaal xiliyadii la soo dhaafayse lama helin talaalkaas.
Takhtarka ayaa sheegay in xoolaha uu ku soo arkay miyiga ee uu daaweynta ugu tegay yihiin kuwo tabar ahaan aad u liita, dadkuna ay ku tiirsantahay noloshoodu dhaqashada xoolaha, haddaan gacan la siinna ay waayayaan tiirkii ugu muhiimsanaa ee noloshooda.
Maxamed Macalin?FO
