In ka badan 100 carruur ah oo uu soo ritay cudurka jadeecada ayaa jiifa cisbitaalka guud ee magaalada Kismaayo ee xarunta gobolka Jubbada Hoose, sida ay raadiyaha Ergo u sheegeen hawl- wadeennada caafimaadka.
Shan iyo tobankii maalmood ee la soo dhaafay maalin walba waxaan qaabileynay 10 carruur ah oo da’doodu ay ka yartahay 5 sano oo uu soo ridatay cudurka jadeecada, cisbitaalku malahan daawo fiican marka laga reebo kaalmaati, waxaa sidaa yiri Dr Axmed Maxamed Xuseen oo ka tirsan hawl-wadeennada cisbitaalka guud ee magaalada Kismaayo.
Wuxuu intaa raaciyey in cisbitaalka xilligan ay jiifaan in ka badan 100 carruur ah oo qaba jadeecada oo badan kood laga keenay gudaha magaalada in kastoo ay jiraan tiro kale oo laga keennay goobo ka baxsan magaalada kismaayo, DR Axmed ayaa sheegay in carruurta uu haleelay cudurkan aysan qaadan tallaalkii jadeecada taasoo sii adkaynaysa xaaladda.
Waxaa jira haween uur ah oo u ku dhacay cudurkan jadaceedda oo isbitaalka ku jira,waxaa sido kale ka dillaacay magaalada Kismaayo cudurka shubanka oo soo ritay carruur badan.
Maxamed Sahal/FO
